ကုန်ပိုင်းလုပ်ကွက် IOR 4 (ပြည်) နှင့် IOR 6 (မြန်အောင်) တို့၏ ရေနံတိုးတက်ထုတ်ယူရေး စာချုပ်ချုပ်ဆိုပွဲ အခမ်းအနား

စွမ်းအင်ဝန်ကြီးဌာန မြန်မာ့ရေနံနှင့် သဘာဝဓါတ်ငွေ့ လုပ်ငန်းနှင့် British virgin Islands တွင် မှတ်ပုံတင်ထားသော MPRLE & P Pte. Ltd နှင့် Myanmar Petroleum Exploration & Production Company Ltd တို့သည် ကုန်ပိုင်းလုပ်ကွက် IOR 4 (ပြည်) နှင့် IOR 6 (မြန်အောင်) တို့၏ ရေနံ တိုးတက် ထုတ်ယူရေး စာချုပ်ချုပ်ဆိုပွဲ အခမ်းအနားကို နေပြည်တော်ရှိ Lake Garden Hotel ၌ ကျင်းပရာ မြန်မာနိုင်ငံ ရင်းနှီးမြှုပ်နှံမှု ကော်မရှင် ဥက္ကဋ္ဌ စွမ်းအင်ဝန်ကြီးဌာန ပြည်ထောင်စုဝန်ကြီး ဦးဇေယျာအောင် မှ အဖွင့်အမှာစကား ပြောကြားပြီး MPRLE & P Pte. Ltd မှ CEO ဦးမိုးမြင့်နှင့် မြန်မာ့ရေနံနှင့် သဘာဝဓာတ်ငွေ့လုပ်ငန်း ဦးဆောင်ညွှန်ကြားရေးမှူး ဦးမျိုးမြင့်ဦးတို့က နှုတ်ခွန်းဆက် စကားများ ပြောကြားကြပါသည်။