ကိုးကန့်သောင်းကျန်းသူအဖွဲ့များအနေဖြင့် လောက်ကိုင်-ကုန်းကြမ်း ကား လမ်းပေါ်ရှိ ၁၈ မိုင်လမ်းဆုံအနီး တောင်ကုန်းများအား ယာယီခြေကုပ်ယူ ၍ ဆက်သွယ်ရေးလမ်းကြောင်းအား ထိန်းချုပ်ပြတ်တောက်ထားခဲ့ရာ တပ်မတော် စစ်ကြောင်းများက လေကြောင်းပစ်ကူရယူ၍ ဖေဖော်ဝါရီ ၂၁ ရက် ညနေပိုင်းမှ စတင်တိုက်ခိုက်ခဲ့ပြီး ဖေဖော်ဝါရီ ၂၂ရက် မွန်းလွဲပိုင်းအထိ ထိတွေ့တိုက်ပွဲ ၂ ကြိမ် ဖြစ်ပွားခဲ့ကာ လမ်းကြောင်းအား စိုးမိုးထားသည့် စစ်ဗျူဟာအရ အရေးကြီးသော တောင် ကုန်းများအား သိမ်းယူနိုင်ခဲ့သည်။
ယခုအခါ လောက်ကိုင်-တာရွှေထန် ၁၈
မိုင်-ညံခွမ်း လမ်းကြောင်းအား တပ်မတော် စစ်ကြောင်းများက ပြန်လည်ထိန်းချုပ်နိုင်ခဲ့ပြီး
လမ်းပန်း ဆက်သွယ်မှုများ ပုံမှန်ပြန်လည်ဆောင်ရွက်နိုင်သော အခြေအနေသို့
ရောက်ရှိလာပြီဖြစ်ကြောင်း သိရှိရသည်။
အလားတူ ဖေဖော်ဝါရီ ၂၁ ရက်တွင်
နယ်မြေရှင်းလင်းလျက်ရှိသော တပ်မတော် စစ်ကြောင်းများနှင့်
ကိုးကန့်သောင်းကျန်းသူအဖွဲ့များ သည် လောက်ကိုင်မြို့ အနီးတစ်ဝိုက်၌ ၁ ကြိမ်၊
လော်ကွာကျိုင်းအနီးတစ်ဝိုက်၌ ၁ ကြိမ်၊ လုံထန်ရွာအနီး၌ ၁ ကြိမ် ဖြစ်ပွားခဲ့သည်။
ဖေဖော်ဝါရီ ၂၁ ရက်မှ ဖေဖော်ဝါရီ ၂၂ မွန်းလွဲပိုင်းအထိ
ထိတွေ့တိုက်ပွဲ စုစုပေါင်း ၅ ကြိမ် ဖြစ်ပွားခဲ့ပြီး အထက်ပါဖြစ်စဉ်များတွင်
ကိုးကန့်သောင်းကျန်းသူအဖွဲ့ထံမှ အလောင်း ၃လောင်း၊ လက်နက်ငယ်မျိုးစုံ ၇ လက်၊
ခဲယမ်းဆက်စပ်ပစ္စည်း များနှင့် စိတ်ကြွရူးသွပ်ဆေးပြား အမှုန့် ၂ ဒသမ ၅ ကီလီဂရမ်ခန့်၊
အိုက်စ် ၂ ဒသမ ၅ ကီလိုဂရမ်ခန့်တို့အား သိမ်းဆည်းရရှိခဲ့ပြီး တပ်မတော်မှ စစ်သည် ၄
ဦး အသက်ပေးလှူခဲ့၍ အရာရှိ/စစ်သည် ၂၁ ဦး ဒဏ်ရာရရှိခဲ့သည်။ ဒဏ်ရာရရှိသော
အရာရှိ^စစ်သည်များအား တပ်မတော် ဆေးရုံများသို့ ပို့ဆောင်၍ ဆေးဝါးကုသမှုများ
ဆောင်ရွက်ပေးလျက်ရှိသည်။
ထို့အပြင် ဖေဖော်ဝါရီ ၂၁ ရက်
ညနေပိုင်းတွင် လောက်ကိုင်မှ ကွမ်းလုံသို့ ထွက်ခွာလာသော သတင်းထောက်များနှင့်
တိုက်ပွဲရှောင်ပြည်သူများ တင်ဆောင်လာသည့် ကြက်ခြေနီအလံလွှင့်ထူထားသော ယာဉ်အား
ပါစင်ကျော်နှင့် ချင်းရွှေဟော်ကြားတွင် ကိုးကန့်သောင်းကျန်းသူအဖွဲ့များက
လက်နက်ကြီး/လက်နက်ငယ်များဖြင့် ပစ်ခတ်တိုက်ခိုက်ခဲ့ရာ တပ်မတော် စစ်ကြောင်းက
သွားရောက်တိုက်ခိုက်ရှင်းလင်း၍ ဒဏ်ရာရရှိသူများအား ကယ်ထုတ်ကာ ဒဏ်ရာရရှိသော
သတင်းထောက် ၁ ဦးနှင့် ပြည်သူ ၃ ဦးအား ကွမ်းလုံပြည်သူ့ဆေးရုံသို့ ပို့ဆောင်၍ ဆေးဝါးကုသမှုခံယူစေလျက်
ရှိကြောင်းနှင့် ဆုတ်ခွာသွားသော သောင်းကျန်းသူများနောက်သို့ တပ်မတော်
စစ်ကြောင်းများကလိုက်လံရှင်းလင်းလျက်ရှိကြောင်းသတင်းရရှိသည်။
No comments:
Post a Comment