ရန်ကုန်မြို့ ၅၁လမ်းအိမ်ရာ ပြန်လည်ဖွံ့ဖြိုးရေးစီမံကိန်းများ ကြည့်ရှုစစ်ဆေး

ဆောက်လုပ်ရေးဝန်ကြီးဌာန ဒုတိယ၀န်ကြီး ဒေါက်တာဝင်းမြင့်သည် ဖေဖော်ဝါရီလ ၁၅ရက်နေ့ နေ့လည်ပိုင်းတွင် ရန်ကုန်တိုင်းဒေသကြီး ဗိုလ်တထောင်မြို့နယ် မဟာဗန္ဓုလလမ်းနှင့် ကုန်သည်လမ်း ၅၀ နှင့် ၅၁လမ်းကြားရှိ ဆောက်လုပ်ရေးဝန်ကြီးဌာန မြို့ရွာနှင့်အိုးအိမ် ဖွံ့ဖြိုးရေးဦးစီးဌာနနှင့် ဆောက်လုပ်ရေးကုမ္ပဏီများ ဖြစ်ကြသည့် Moon Sun Co.,Ltd မဟာန၀ရတ်မြေကုမ္ပဏီ၊ အောင်မြင်ပြည့်စုံကုမ္ပဏီနှင့် Triple Aung ကုမ္ပဏီတို့မှ အကျိုးတူ ပူးပေါင်းဆောင်ရွက်သည့် ၅၁လမ်းအိမ်ရာ ပြန်လည်စည်ပင်ရေးစီမံကိန်းသို့ ရောက်ရှိစစ်ဆေးသည်။