အလုပ်လုပ်ကိုင်ရန်
လစ်ဗျားနိုင်ငံသို့ရောက်ရှိနေသည့် အီဂျစ်လူမျိုး ခရစ်ယာန်ဘာသာဝင် (၂၁)ဦးအား အိုင်အက်စ်များက
ခေါင်းဖြတ်သတ်ခဲ့သည့် ဗီဒီယိုကိုထုတ်ပြန်ပြီး တစ်ရက်အကြားဖြစ်သည့် ဖေဖော်ဝါရီလ (၁၆)ရက်နေ့က
မနက်ပိုင်း အာရုံတက်ချိန်မှာ လစ်ဗျားနိုင်ငံအတွင်းရှိ အိုင်အက်စ်များကို ပစ်မှတ်ထားပြီး
လေကြောင်းမှ ဗုံးကျဲတိုက်ခိုက်ခဲ့ကြောင်း အီဂျစ်မှ ပြောကြားခဲ့ပါသည်။ လစ်ဗျားနိုင်ငံအတွင်းရှိ
အိုင်အက်စ်များရဲ့ လေ့ကျင့်ရေးနေရာများနှင့် လက်နက်သိုလှောင်ရာများကို တိုက်ခိုက်မှုမှာတော့
လစ်ဗျားလေတပ်များပါဝင်ခဲ့တာဖြစ်ပါသည်။ လစ်ဗျား လေတပ်တပ်ရင်းမှူး၏ ပြောကြားချက်အရ လက်နက်ကိုင်(၄၀-၅၀)ခန့်သေဆုံးခဲ့ပြီး
ဒီကနေ့နှင့်မနက်ဖြန်တို့မှာ တိုက်ခိုက်မှုများကို ပိုမိုပြုလုပ်သွားမှာ ဖြစ်ပါသည်။ အီဂျစ်နိုင်ငံဘက်မှာတော့
ခေါင်းဖြတ်သတ်ခံရမှုနှင့်ပက်သက်ပြီး ဝမ်းနည်းမှုနှင့်အတူ ကြောက်ရွံ့လျှက်ရှိပါသည်။ အီဂျစ်နိုင်ငံသမ္မတ
ပက်တာဟ်-အယ်-ဆီဆီရဲ့ပြောကြားချက်အရ လက်နက်ကိုင်များအား ဆန့်ကျင်တိုက်ခိုက်မှု ပိုမိုပြုလုပ်သွားမှာဖြစ်ကြောင်း
သိရပါသည်။ လစ်ဗျားနိုင်ငံရဲ့ ပြည်တွင်းပဋိပက္ခများဟာ နိုင်ငံရေးမငြိမ်သက်မှုများဆီသို့
ချဉ်းကပ်လျှက်ရှိပြီး လစ်ဗျားနိုင်ငံအတွင်းရှိ တော်လှန်ရေးအဖွဲ့များဟာ အီဂျစ်ရဲ့လုံခြုံရေးကို
အဓိကခြိမ်းခြောက်နေတယ်လို့ သမ္မတဆီဆီက ရှုမြင်လျှက်ရှိကြောင်း သိရှိရပါသည်။
No comments:
Post a Comment