မြိတ်ခရိုင် အတွင်းရှိ မြို့နယ်များတွင် အများပြည်သူများ
စာပေ ဖတ်ရှု နိုင်စေရေးအတွက် လူစည်ကားရာ နေရာများတွင် နံရံကပ် စာပေ ရေချမ်းစင်များကို
ချိတ်ဆွဲ ပေးထားပြီး စာအုပ်သစ်များ လစဉ်အသစ် ဖြည့်ဆီးဆောင်ရွက် ပေးလျှက်ရှိပါသည်။ မြိတ်မြို့တွင်
ပြန်/ဆက် ဦးစီးဌာနမှ ထားရှိပေးသည့် စာပေ ရေချမ်းစင် (၂၀)ခုနှင့် စာပေ ဝါသနာ ရှင်များမှ
လှူဒါန်း ထားရှိပေးသည့် စင်(၁၇)ခုကို လူစည်ကားရာ နေရာများမှာ ထားရှိပေးထားကာ အများပြည်သူ
စာပေ ဖတ်ရှုနိုင်ရေး ဆောင်ရွက်ထားရှိရာ အဆိုပါ စာအုပ်စင်များတွင် ယခုလထုတ် စာပေရေချမ်းစင်
စာအုပ် အတွဲ(၂) အမှတ်(၈) စာအုပ်များကို မြိတ်ခရိုင် ပြန်/ဆက် ဝန်ထမ်းများက ဩဂုတ်လ
(၂၈)ရက်နေ့မှ စ၍ လိုက်လံ ဖြည့်ဆည်း ဆောင်ရွက်ပေးလျှက် ရှိပါတယ်။ အဆိုပါ စာပေ ရေချမ်းစင်များကို
ကျွန်းစုမြို့နှင့် တနင်္သာရီ မြို့များတွင် ပြန်/ဆက် ဦးစီးဌာနမှ ထားရှိပေးသည့် စင်(၈)ခုစီနှင့်
စာပေ ဝါသနာရှင်များမှ လှူဒါန်း ချိတ်ဆွဲ ပေးထားသည့် စင်(၄)ခု စီကိုလည်းကောင်း ပုလောမြို့တွင်
ပြန်/ဆက် ဦးစီးဌာနမှ ထားရှိပေးထားသည့် စင်(၈)ခုနှင့် ပလောက်မြို့နယ်ခွဲတွင် ပြန်/ဆက်
ဦးစီးဌာနမှ ချိတ်ဆွဲ ပေးထားသည့် စာပေ ရေချမ်းစင် (၆)ခုကို လူစည်ကားရာ နေရာများတွင်
ချိတ်ဆွဲ ထားရှိပေးပြီး အများပြည်သူ စာပေ ဖတ်ရှု နိုင်စေရေး စီစဉ် ဆောင်ရွက် ပေးထားပါသည်။
No comments:
Post a Comment