ပြန်ကြားရေးဝန်ကြီးဌာန၊
မြန်မာ့အသံနှင့် ရုပ်မြင်သံကြား မြန်မာ့အသံ ချစ်သူများအဖွဲ့ (Radio Fan Club) အဖွဲ့ဝင်များ
တွေ့ဆုံပွဲ အခမ်းအနားများကို မကွေးတိုင်းဒေသကြီး မကွေးမြို့၌ ၂၀၁၅ ခုနှစ် သြဂုတ်လ
(၁၆)ရက်နေ့တွင် လည်းကောင်း၊ စစ်ကိုင်းတိုင်းဒေသကြီး ကလေးမြို့၌ စက်တင်ဘာလ (၂၀)ရက်နေ့တွင်
လည်းကောင်း၊ ရှမ်းပြည်နယ် အရှေ့ပိုင်း ကျိုင်းတုံမြို့၌ အောက်တိုဘာ (၃၁)ရက်နေ့တွင်
လည်းကောင်း အသီးအသီး ကျင်းပသွားရန် မြန်မာ့အသံနှင့် ရုပ်မြင်သံကြားမှ သတင်းထုတ်ပြန်ခဲ့ပြီး
ဖြစ်ပါသည်။ ယခုအခါ သဘာဝဘေးအန္တရာယ် ကျရောက်ခဲ့မှုကြောင့် အဆိုပါ အခမ်းအနားများ ကျင်းပမည့်
နေ့ရက်ကို ယာယီ ရွှေ့ဆိုင်းလိုက်ပြီး ပြန်လည် ကျင်းပမည့် နေ့ရက်ကို ထပ်မံ ကြေညာမည် ဖြစ်ပါသည်။
အနယ်နယ်အရပ်ရပ်မှ သောတရှင်များ အနေဖြင့် မြန်မာ့အသံ ချစ်သူများအဖွဲ့သို့ ၀င်ရောက်လိုပါက
မြန်မာ့အသံ၏ ဖုန်းနံပါတ် ၀၆၇-၇၉၂၁၅ သို့ ခေါ်ဆို၍ အမည်၊ မိဘအမည်၊ အလုပ်အကိုင်၊ ပညာအရည်အချင်း၊
နေရပ်လိပ်စာ၊ ဆက်သွယ်ရမည့် ဖုန်းနံပါတ်တို့ကို ပြောကြားပြီး အဖွဲ့ဝင်အဖြစ် စာရင်းသွင်း
ဝင်ရောက်နိုင်ကြပါသည်။
No comments:
Post a Comment