စစ်ကိုင်းတိုင်းဒေသကြီးအတွင်း
မိုးသည်းထန်စွာရွာသွန်းမှုကြောင့် မူးမြစ်ရေတိုးလာပြီး မုံရွာ-အရာတော်-ရွှေဘို
လမ်းပိုင်းအချို့နေရာများတွင် ရေကျော်ပြီး လမ်းပခုံးသားများ ပဲကျမှု
ဖြစ်ပွားခဲ့ပြီး တာဝန်ရှိသူများမှ အချိန်မီ ပြန်လည်ပြုပြင်ခဲ့ကြောင်း သိရပါသည်။
ဇူလိုင် ၃၀ ရက်နေ့ နံနက် ၁၀ နာရီခွဲခန့်တွင် ဇရစ်ကျေးရွာနှင့် ကူးတို့ကိုင်းကြား
အဆိုပါ ထူးပေါက်ထားသည့် လမ်းပိုင်းကြားရှိ ရေထုတ်ပြွန်တံတား အမှတ် (၄/၃၆) နှင့်
(၅/၃၆) ကြားရှိ ချဉ်းကပ်လမ်းသည် ပျက်စီးသွားပြီး ကျောက်ရိုးစီ ချဉ်းကပ်လမ်းသည်
ရေကျဘက်ခြမ်း ကျောက်ရိုး (၁၈) ပေခန့် ပြုတ်ကျပြီး ရေတင်ဘက်ခြမ်း (၄၃) ပေ အကျယ်၊
လမ်းပြတ်ထွက်သွားသဖြင့် မုံရွာ-အရာတော်- ရွှေဘိုလမ်းပိုင်း ဇရစ်နှင့်
ကူတို့ကိုင်းကြားတွင် လူနှင့် ဆိုင်ကယ်များပါ ဖြတ်သန်းသွားလာနိုင်မှု
မရှိတော့ကြောင်း သိရပြီး အရေးပေါ်ကိစ္စရပ်များ ဆောင်ရွက်နိုင်ရန် စက်လှေစီစဉ်ထားပြီး
ဌာနဆိုင်ရာများမှ တာဝန်ရှိသူများက အနီးကပ်ကြီးကြပ် ဆောင်ရွက်လျက်ရှိကြောင်း
သိရပါသည်။
No comments:
Post a Comment