ပြည်ထောင်စုသမ္မတမြန်မာနိုင်ငံတော်၊
နိုင်ငံတော်သမ္မတဦးသိန်းစိန်နှင့် တပ်မတော် ကာကွယ်ရေးဦးစီးချုပ်
ဗိုလ်ချုပ်မှူးကြီး မင်းအောင်လှိုင်တို့ထံသို့ အမျိုးသားဒီမိုကရေစီအဖွဲ့ချုပ် ဥက္ကဋ္ဌ
ဒေါ်အောင်ဆန်းစုကြည်က တွေ့ဆုံဆွေးနွေးရန် တောင်းဆိုခြင်းနှင့်စပ်လျဉ်း၍ ၂၀၁၅ ခုနှစ်
ဒီဇင်ဘာ ၂ ရက်တွင် တွေ့ဆုံဆွေးနွေးမည်ဖြစ်ကြောင်း နိုင်ငံတော်သမ္မတရုံးနှင့်
တပ်မတော် သတင်းမှန်ပြန်ကြားရေးအဖွဲ့တို့က နိုဝင်ဘာလ(၃၀)ရက်စွဲဖြင့်
သတင်းထုတ်ပြန်ထားသည်။ အဆိုပါ
တွေ့ဆုံခွင့်တောင်းသည့်ကိစ္စကို အမျိုးသားဒီမိုကရေစီအဖွဲ့ချုပ် ဥက္ကဋ္ဌက
နိုင်ငံတော်သမ္မတနှင့် တပ်မတော်ကာကွယ်ရေးဦးစီးချုပ်တို့ထံ လာရောက်တွေ့ဆုံနိုင်ရေး
စီစဉ်ပေးပါရန် နိုဝင်ဘာ ၁၀ ရက် နေ့စွဲပါစာဖြင့် သီးခြားစီပေးပို့ခဲ့ခြင်းအပေါ်
နိုင်ငံတော် သမ္မတနှင့် တွေ့ဆုံဆွေးနွေးရန် ဒီဇင်ဘာ ၂ ရက် နံနက်ပိုင်းတွင်
သမ္မတအိမ်တော်၌ လည်းကောင်း၊ တပ်မတော်ကာကွယ်ရေးဦးစီးချုပ်နှင့် တွေ့ဆုံဆွေးနွေးရန်
ဒီဇင်ဘာ ၂ ရက် မွန်းလွဲ (၂)နာရီတွင် တပ်မတော်ကာကွယ်ရေးဦးစီးချုပ်ရုံး
ဧည့်ရိပ်သာ၌လည်းကောင်း တွေ့ဆုံ ဆွေးနွေးရန် စီစဉ်ထားရှိကြောင်း
သတင်းထုတ်ပြန်ချက်တွင် ဖော်ပြပါရှိသည်။
No comments:
Post a Comment