ဒုတိယသမ္မတဦးဉာဏ်ထွန်း ထိုင်းနိုင်ငံဝန်ကြီးချုပ်နှင့်တွေ့ဆုံဆွေးနွေး

ထားဝယ်အထူးစီးပွားရေးဇုန်နှင့် ဆက်စပ်စီမံကိန်းများ အကောင်အထည်ဖော်ရေး ဆိုင်ရာ မြန်မာပူးတွဲ အဆင့်မြင့် ကော်မတီဥက္ကဋ္ဌ ပြည်ထောင်စုသမ္မတမြန်မာနိုင်ငံတော် ဒုတိယသမ္မတ ဦးဉာဏ်ထွန်းသည် ထိုင်းနိုင်ငံ ဗန်ကောက်မြို့၌ကျင်းပမည့် ထားဝယ် အထူးစီးပွားရေးဇုန်နှင့် ဆက်စပ်စီမံကိန်း ဧရိယာ ဘက်စုံဖွံ့ဖြိုးတိုးတက်ရေးဆိုင်ရာ တတိယအကြိမ် မြန်မာ-ထိုင်း ပူးတွဲအဆင့်မြင့် ကော်မတီ အစည်းအဝေးသို့ တက်ရောက် ရန် ယနေ့နံနက်ပိုင်းတွင် ရန်ကုန်အပြည်ပြည်ဆိုင်ရာလေဆိပ်မှ အပြည်ပြည်ဆိုင်ရာ မြန်မာ့လေကြောင်းခရီးစဉ်ဖြင့် ထွက်ခွာခဲ့ရာ ဒေသစံတော်ချိန် နံနက်(၁၀)နာရီ (၂၅)မိနစ်တွင် ထိုင်းနိုင်ငံ ဗန်ကောက်မြို့ သုဝဏ္ဏဘူမိ အပြည်ပြည်ဆိုင်ရာလေဆိပ်သို့ ရောက်ရှိကြသည်။

ဒုတိယသမ္မတ ဦးဉာဏ်ထွန်း ခေါင်းဆောင်သောအဖွဲ့ဝင်များအား ထိုင်းနိုင်ငံ ၀န်ကြီးချုပ်ရုံး အမျိုးသားစီးပွားရေးနှင့်လူမှုရေးဖွံ့ဖြိုးတိုးတက်မှု ဘုတ်အဖွဲ့ဒုတိယ အတွင်းရေးမှူးချုပ် မစ္စတာပိုအာမီတီ ဗီမိုစရီနှင့်တာဝန်ရှိသူများ၊ ထိုင်းနိုင်ငံဆိုင်ရာ မြန်မာသံအမတ်ကြီး ဦးဝင်းမောင်၊ စစ်သံမှူး ဗိုလ်မှူးချုပ်ချစ်ဆွေ၊ သံရုံးနှင့်စစ်သံရုံး တို့မှ ၀န်ထမ်းများက ကြိုဆိုနှုတ်ဆက်ကြသည်။ ထို့နောက် ဒုတိယသမ္မတနှင့်အဖွဲ့သည် မော်တော်ယာဉ်များဖြင့် ခေတ္တတည်းခို မည့် ဗန်ကောက်မြို့Four Seasons Hotel သို့ရောက်ရှိကြသည်။ ယင်းနောက် ဒုတိယသမ္မတ ဦးဉာဏ်ထွန်းသည် ထိုင်းနိုင်ငံဝန်ကြီးချုပ် မစ္စတာ ပရာယုဒ်ချန်အိုချာအား မွန်းလွဲ(၂)နာရီတွင် ဗန်ကောက်မြို့ရှိ ၀န်ကြီးချုပ်ရုံး ဧည့်ခန်းမ၌ တွေ့ဆုံသည်။ ထိုသို့တွေ့ဆုံရာတွင် ဒုတိယသမ္မတနှင့်အတူ အလုပ်သမားဝန်ကြီးဌာန ပြည်ထောင်စုဝန်ကြီး ဦးအေးမြင့်၊ တနင်္သာရီတိုင်းဒေသကြီးဝန်ကြီးချုပ် ဦးမြတ်ကို၊ ဒုတိယ၀န်ကြီး ဦးသန့်ကျော်၊ ဦးမျိုးအောင်၊ ဒေါက်တာမောင်မောင်သိမ်း၊ ဦးစိုးတင့်၊ ဦးဘုန်းဆွေ၊ မြန်မာနိုင်ငံတော်ဗဟိုဘဏ် ဒုတိယဥက္ကဋ္ဌ ဦးဆက်အောင်နှင့် ထိုင်းနိုင်ငံ ဆိုင်ရာ မြန်မာသံအမတ်ကြီး ဦးဝင်းမောင်တို့ တက်ရောက်ကြပြီး ထိုင်းနိုင်ငံ ၀န်ကြီးချုပ် နှင့်အတူ ထိုင်းနိုင်ငံ နိုင်ငံခြားရေးဒုတိယ၀န်ကြီး၊ ပို့ဆောင်ရေးဒုတိယ၀န်ကြီးနှင့် အဆင့်မြင့်အရာရှိကြီးများ တက်ရောက်ကြသည်။ ယင်းသို့တွေ့ဆုံစဉ် ဒုတိယသမ္မတက မြန်မာနိုင်ငံနှင့်ထိုင်းနိုင်ငံသည် ရှည်လျားသည့် သမိုင်းကြောင်း ရှိသော ချစ်ကြည်ရင်းနှီးမှု၊ ပူးပေါင်းဆောင်ရွက်မှုများနှင့် အိမ်နီးချင်း နိုင်ငံ အနေဖြင့်သာမက ဒေသတွင်းနှင့် နိုင်ငံတကာ ကိစ္စရပ်များတွင် ပါဝင် ဆောင်ရွက်လျက် ရှိပါကြောင်း၊ နယ်စပ်ကုန်သွယ်ရေးသည် နှစ်ဖက်နယ်စပ်ဒေသ ပြည်သူများ၏ လူနေမှုဘ၀ကို တိုးတက်စေမည်ဖြစ်သည့်အတွက် နှစ်နိုင်ငံသက်ဆိုင်ရာ ၀န်ကြီးဌာနများနှင့် ဒေသအာဏာပိုင်များအကြား ညှိနှိုင်းဆောင်ရွက်သွားစေလိုပါ ကြောင်း။ ထားဝယ် အထူးစီးပွားရေးဇုန်နယ်မြေသည် ပစိဖိတ်သမုဒ္ဒရာနှင့် အိန်္ဒိယသမုဒ္ဒရာ တို့ကို ကုန်းလမ်းမှ ဆက်သွယ်ပေးမည့် မဟာမဲခေါင် တောင်ဘက်စီးပွားရေးစင်္ကြံ၏ အနောက်ဘက်တံခါးပေါက်အဖြစ် တည်ရှိသည့်အတွက် မဟာဗျူဟာကျသည့်နေရာ တွင် ရှိပါကြောင်း။ မဟာမဲခေါင်ဒေသတောင်ဘက် စီးပွားရေးစင်္ကြံသည် ဗီယက်နမ်နိုင်ငံ ဗန်တောင်း မှအစပြု၍ ဗီယက်နမ်နိုင်ငံ ဟိုချီမင်းမြို့၊ ကမ္ဘောဒီးယားနိုင်ငံမြို့တော် ဖနွမ်းပင်၊ ထိုင်းနိုင်ငံမြို့တော် ဗန်ကောက်မှတစ်ဆင့် မြန်မာနိုင်ငံထားဝယ်ဒေသအထိ ရောက်ရှိ မည့်စီးပွားရေးစင်္ကြံဖြစ်သည့်အတွက် မိမိတို့နိုင်ငံအားလုံး ကူးလူးဆက်သွယ်ပြီး ဘက်စုံ ဖွံ့ဖြိုးတိုးတက်ရေးဆောင်ရွက်ရန် အားထားနိုင်မည့်လမ်းကြောင်း ဖြစ်ပါကြောင်း။ ထားဝယ်အထူးစီးပွားရေးဇုန် စီမံကိန်းအောင်မြင်စေရန် ပူးတွဲအဆင့်မြင့် ကော်မတီကို ပူးတွဲဥက္ကဋ္ဌအဖြစ် ထားဝယ်အထူးစီးပွားရေးဇုန် ဖွံ့ဖြိုးတိုးတက်ရေး စီမံကိန်း အောင်မြင်ရန်အတွက် အားထုတ်ဆောင်ရွက်သွားမည်ဖြစ်ပါကြောင်း။ ထားဝယ်အထူးစီးပွားရေးဇုန်စီမံကိန်းကို ၂၀၁၀ ခုနှစ်တွင် စတင်ခဲ့သော်လည်း စီမံကိန်းဆိုင်ရာ ဘဏ္ဍာငွေ မလုံလောက်မှုကြောင့် လုပ်ငန်းများရပ်ဆိုင်းခဲ့ရပါကြောင်း၊ စီမံကိန်းကြီးအတွက် ဘဏ္ဍာငွေ အကူအညီ ပေးမှုဆိုင်ရာ အကောင်းဆုံး နည်းလမ်းများ ကို ထိုင်းနိုင်ငံအစိုးရ အနေဖြင့် အဆိုပြုပေးစေလိုပါကြောင်း။ ထားဝယ် အထူးစီးပွားရေးဇုန်တွင် ဂျပန်နိုင်ငံ ပါဝင်ရင်းနှီးမြှပ်နှံရေးနှင့် ပတ်သက်၍ ဂျပန်ဝန်ကြီးချုပ်၏ အထူးအကြံပေး ပုဂ္ဂိုလ်နှင့်တွေ့ဆုံခဲ့ရာတွင် ၀န်ကြီးချုပ်အနေဖြင့် ထားဝယ်အထူးစီးပွားရေးဇုန်တွင် ဂျပန်နိုင်ငံပါဝင်ရင်းနှီးမြှပ်နှံရေးအတွက် ဆွေးနွေး ခဲ့ကြောင်း သိရှိရသည့်အတွက် ကြိုဆိုပါကြောင်း၊ ကမ္ဘောဒီးယား နယ်စပ်မှ မြန်မာ နယ်စပ်အထိ ဂျပန်-ထိုင်း ပူးတွဲဖောက်လုပ်မည့် ရထားလမ်း ကွန်ယက် စီမံကိန်း၏ အဆက်အဖြစ် ထားဝယ်အထိဖောက်လုပ်နိုင်မည့် ဖြစ်နိုင်ခြေနှင့်အလားအလာများ ကိုလည်း ဂျပန်နိုင်ငံနှင့် ဆွေးနွေးသွားစေ လိုပါကြောင်း။ မူးယစ်ဆေးဝါး တားဆီးတိုက်ဖျက်ရေးနှင့် ပတ်သက်ပြီး နယ်စပ်တစ်လျှောက် မကြာခင်က မူးယစ်ဆေးဝါး တရားခံများ ဖမ်းဆီးရရှိမှုသည် မြန်မာနိုင်ငံနှင့် ထိုင်းနိုင်ငံ တို့၏ နှစ်ဖက်တာဝန်ရှိသူများအကြား မူးယစ်ဆေးဝါး၊ စိတ်ကြွဆေးပြားများနှင့် မူးယစ် ဆေးဝါး ဆိုင်ရာပြစ်မှုများ တားဆီးတိုက်ဖျက်ရေး၏ အောင်မြင်မှုများကို ဖော်ပြနေခြင်း ဖြစ်ပါကြောင်း။ ထိုင်းနိုင်ငံတွင် ရှိသည့် မြန်မာရွေ့ပြောင်းအလုပ်သမားများနှင့်ပတ်သက်ပြီး နိုင်ငံသားစိစစ်မှုလုပ်ငန်းစဉ်များတွင် အကူအညီပေးမှုနှင့် နီးကပ်သည့် ပူးပေါင်း ဆောင်ရွက်မှုများအတွက် ထိုင်းနိုင်ငံအစိုးရနှင့် တာဝန်ရှိသူများကို ကျေးဇူးတင် ရှိပါကြောင်း။ အဆိုပါ မြန်မာရွှေ့ပြောင်း အလုပ်သမားများအတွက် ကျန်းမာရေး၊ လူမှုရေးနှင့် လုံခြုံရေး အာမခံချက်များ ရရှိစေရန် ထိုင်းလုပ်ငန်းရှင်များကို တိုက်တွန်းပေးစေ လိုပါကြောင်းဖြင့် ဆွေးနွေးပြောကြားခဲ့ပြီး စိုက်ပျိုးရေးနှင့် ရေထွက်ပစ္စည်းများ ထုတ်လုပ် ရောင်းဝယ်ရေးကဏ္ဍ ပူးပေါင်းဆောင်ရွက်ရေး၊ ၂၀၁၆ ခုနှစ်ကို ထိုင်းနိုင်ငံရိုးရာ ခရီးသွားနှစ်အဖြစ် သတ်မှတ်ထားသည့်အတွက် မြန်မာနိုင်ငံနှင့်ပူးပေါင်း၍ ခရီးသွားကဏ္ဍကိုမြှင့် တင်ရေး၊ ရင်းနှီးမြှပ်နှံမှု ကဏ္ဍတွင် မြန်မာနိုင်ငံရှိ အထူးဇုန်များတွင် ထိုင်းနိုင်ငံမှစီးပွား ရေး လုပ်ငန်းရှင်များကို လာရောက်ရင်းနှီး မြှပ်နှံနိုင်ရေး၊ သောင်းရင်းမြစ် မြစ်ရေတိုက်စားမှုမှ ကာကွယ်နိုင်ရန် ရေထိန်းနံရံများ တည်ဆောက်နိုင်ရန်အတွက်နှစ်နိုင်ငံညှိနှိုင်း ဆောင်ရွက်ရေး၊ နယ်စပ်ဒေသဖြစ်သည့် မြ၀တီ- မဲဆောက် ဒုတိယမြောက် ချစ်ကြည်ရေး တံတား တည်ဆောက်ရေးအတွက် ငွေကြေးကဏ္ဍပူးပေါင်းဆောင်ရွက်ရေးတို့နှင့် စပ်လျဉ်း၍ ရင်းနှီးပွင့်လင်းစွာဆွေးနွေးခဲ့ကြသည်။ ညနေပိုင်းတွင် ပြည်ထောင်စုဝန်ကြီး ဦးအေးမြင့်၊ တိုင်းဒေသကြီး ၀န်ကြီးချုပ် ဦးမြတ်ကိုနှင့် ဒုတိယ ၀န်ကြီးများသည် ဗန်ကောက်မြို့Four Seasons Hotel တွင် ပြုလုပ်သည့် မြန်မာ- ထိုင်း ပူးတွဲ အဆင့်မြင့်ကော်မတီ အကြိုညှိနှိုင်းအစည်းအဝေးသို့ တက်ရောက်ကြသည်။ အစည်းအဝေးတွင် ထားဝယ် အထူးစီးပွားရေးဇုန်နှင့် ဆက်စပ်စီမံကိန်းများ အကြို ကနဦးစီမံကိန်းများ ဆောင်ရွက်မည့် အစီအစဉ်များ၊ ပင်မစီမံကိန်း အကောင်အထည် ဖော်ရေး ဆက်လက် ဆောင်ရွက်မည့် လုပ်ငန်းစဉ်များ၊ ထားဝယ်အထူးစီးပွားရေးဇုန် စီမံကိန်းသို့ ဂျပန်နိုင်ငံမှ ပါဝင်လာနိုင်မှု အခြေအနေနှင့် ထားဝယ်အထူး စီးပွားရေးဇုန် ပင်မစီမံချက် (Master Plan) ရေးဆွဲနေမှု အခြေအနေများအား ဆွေးနွေးခဲ့ကြသည်။ ဒုတိယသမ္မတနှင့် အဖွဲ့သည် ညပိုင်းတွင် ဗန်ကောက်မြို့ရှိ ထိုင်းနိုင်ငံဆိုင်ရာ မြန်မာသံအမတ်ကြီး နေအိမ်သို့ရောက်ရှိပြီး သံအမတ်ကြီး၊ စစ်သံမှူးနှင့် သံရုံး၊ စစ်သံရုံး တို့မှ ၀န်ထမ်းများနှင့်မိသားစုဝင်များအား တွေ့ဆုံနှုတ်ဆက်ခဲ့သည်။